Littafin Hikimar Ziyarar Kaburbura, wani bangare ne na littafin Wahabiyanci da aka ciro shi aka yi masa Bugu na musamman saboda muhimmancin mas'alar. Mas'ala ce da aka yi ta cec-kuce a kanta tsakanin al'ummar musulmi da wahabiyawa salafawa da Saudiyya ke ta kyankyashe su a duniya har suka zama gubar da take rarraba kawukan musulmi da raunata su da ma zubar da jininsu. A kan mas'alar Kabari Allah ne kawai ya san yawan mutanen da wahabiyawa suka zubar da jininsu ko suka rusa Hubbarensu.